Ertaga O‘zbekistonda iliq va quruq ob-havo kutilmoqda
"O‘zgidromet" xizmati 16-noyabr kuni O‘zbekistonda kuzatiladigan ob-havo haqida ma’lumot berdi. Bu haqda Zamin.uz xabar berdi.
Prognozlarga ko‘ra, ertaga respublikaning barcha hududlarida osmon o‘zgaruvchan bo‘lsa-da, yog‘ingarchilik kutilmaydi. Shamol asosan sharq yo‘nalishidan esib turadi.
Toshkent shahrida ob-havo tinch va quruq bo‘lib, shamol tezligi 3–8 m/s atrofida bo‘ladi. Harorat kechasi 4–6 daraja iliq, kunduzi esa 18–20 darajagacha ko‘tariladi.
Qoraqalpog‘iston va Xorazm viloyatlarida osmon biroz o‘zgaruvchan bo‘lib, shamolning tezligi 7–12 m/s darajasida bo‘ladi. Kechasi harorat 2–7 daraja iliq, kunduzi esa 17–22 darajani tashkil etadi.
Buxoro va Navoiy viloyatlarida ham ob-havo xotirjam, yog‘ingarchilik kuzatilmaydi. Harorat kechasi 4–9 daraja, kunduzi esa 17–22 darajagacha iliq bo‘ladi.
Toshkent, Samarqand, Sirdaryo va Jizzax viloyatlarida ham xavo quruq va o‘zgaruvchan bo‘lib, shamol tezligi 7–12 m/s atrofida bo‘ladi. Harorat kechasi 2–7 daraja, kunduzi esa 17–22 daraja iliq bo‘lishi kutilmoqda.
Qashqadaryo va Surxondaryo viloyatlarida esa nisbatan iliqroq ob-havo kuzatiladi. Kechasi harorat 2–7 daraja, kunduzi esa 19–24 darajagacha ko‘tarilishi mumkin.
Farg‘ona vodiysi viloyatlarida — Andijon, Namangan va Farg‘onada ham ob-havo tinch bo‘lib, shamol 5–10 m/s tezlikda esadi. Harorat kechasi 2–7 daraja, kunduzi esa 15–20 darajani tashkil etadi.
Tog‘li hududlarda ham ob-havo yog‘ingarchiliksiz bo‘lib, harorat kechasi 2–7 daraja, kunduzi esa 12–17 daraja iliq bo‘ladi. Umuman olganda, ertangi kun mamlakat bo‘ylab iliq va qulay ob-havo bilan boshlanadi.
Ma’lumot manbasi: O‘zgidromet.
