O‘zbekiston va Turkmaniston yangi savdo zonasini ochdi

O‘zbekiston Respublikasi Prezidenti Shavkat Mirziyoyev va Turkmaniston Prezidenti Serdar Berdimuhamedov “Shavat-Dashoguz” nomli yangi qo‘shma chegara savdo zonasini ishga tushirishdi. Bu haqda Zamin.uz xabar berdi.

Ushbu hududda zamonaviy ma’muriy binolar, bojxona xizmati, fitosanitariya, veterinariya va karantin xizmatlari uchun maxsus punktlar tashkil etilgan. Shuningdek, savdo pavilonlari va omborxonalar ham faoliyat yuritmoqda.

Hududda “yagona darcha” tamoyili asosida davlat xizmatlari ko‘rsatiladi. Bu orqali interaktiv servislar, bank xizmatlari va tibbiy yordam olish imkoniyati yaratilgan.

Mehmonlar uchun mehmonxona va katta avtoturargoh ham mavjud. Mazkur savdo zonasining ochilishi O‘zbekistonning Xorazm viloyati va Turkmanistonning Dashoguz viloyati o‘rtasidagi savdo-iqtisodiy munosabatlarni mustahkamlashga xizmat qiladi.

Ushbu hududlar aholisi soni 3,5 milliondan ortiq bo‘lib, yangi zona ularga qulaylik yaratadi va ikki davlat iqtisodiy aloqalarini rivojlantirish uchun muhim ahamiyat kasb etadi. Manba: zamin.uz