19-noyabr: O‘zbekistonda iliq va qulay ob-havo
19-noyabr kuni Toshkent va markaziy hududlarda havo o‘zgaruvchan bulutli bo‘ladi, yog‘ingarchilik kutilmaydi. Bu haqda Zamin.uz xabar berdi.
«O‘zgidromet» ma’lumotiga ko‘ra, Toshkent va Samarqand viloyatlarida havo harorati kunduzi +16 dan +18 darajagacha ko‘tarilishi prognoz qilinmoqda. Janubiy hududlarda, xususan, Qashqadaryo va Surxondaryoda harorat +21 darajagacha yetishi mumkin.
G‘arbiy hududlar, ya’ni Qoraqalpog‘iston va Xorazmda havo biroz salqinroq bo‘lib, harorat kunduzi +17 darajagacha bo‘ladi. Farg‘ona vodiysida esa harorat +20 darajagacha ko‘tarilishi kutilmoqda.
Shamolning tezligi bu hududda sekundiga 10 metrga yetishi mumkin. Tog‘li hududlarda havo nisbatan salqin bo‘lib, harorat +8 dan +13 darajagacha isiydi.
Ayrim tog‘li hududlarda yomg‘ir yoki qor yog‘ishi ehtimoli bor. Umuman olganda, mamlakatning ko‘p hududlarida iliq va qulay ob-havo kuzatiladi.
