Xitoy tashqi ishlar vaziri O‘zbekistonga tashrif buyurdi
Xitoy tashqi ishlar vaziri Van I rasmiy tashrif bilan O‘zbekistonga keldi. Bu haqda Zamin.uz xabar berdi.
Bu haqda O‘zbekiston Tashqi ishlar vazirligi xabar berdi. Tashrif davomida Van I O‘zbekiston tashqi ishlar vaziri Baxtiyor Saidov bilan uchrashib, ikki davlat o‘rtasidagi savdo-iqtisodiy hamkorlikni kengaytirish va madaniy-gumanitar almashinuvlarni rivojlantirish masalalarini muhokama qilmoqda.
Shuningdek, Toshkent shahrida O‘zbekiston va Xitoy tashqi ishlar vazirlari o‘rtasida strategik muloqotning navbatdagi yig‘ilishi boshlandi. Uchrashuv ikki davlat o‘rtasidagi do‘stlik va har tomonlama strategik sheriklikni mustahkamlash yo‘lida muhim qadam sifatida baholanmoqda.
Kun tartibidan siyosiy muloqotni yanada chuqurlashtirish, savdo-iqtisodiy aloqalarni rivojlantirish, madaniy-gumanitar sohadagi hamkorlikni kengaytirish hamda mintaqaviy xavfsizlikni ta’minlash kabi asosiy masalalar o‘rin olgan. Mazkur uchrashuv ikki tomonlama aloqalarni yangi bosqichga olib chiqishda katta ahamiyatga ega bo‘lishi kutilmoqda.
Manba: zamin.uz
