O‘zbekistonning Gretsiyadagi elchisi Abat Fayzullayev o‘zining rasmiy faoliyatini boshladi. Bu haqda Zamin.uz xabar berdi.
Afina shahrida u Gretsiya prezidenti Konstantinos Tasulasga ishonch yorlig‘ini topshirdi. Bu haqda "Dunyo" axborot agentligi xabar berdi.
Uchrashuv davomida Gretsiya prezidenti O‘zbekiston rahbariyatining muvozanatli va oqilona diplomatiyasini yuqori baholadi. Prezident Tasulasning ta’kidlashicha, bunday siyosat mintaqaviy barqarorlikni mustahkamlash hamda xalqaro miqyosda ishonchni oshirishga katta hissa qo‘shmoqda.
Shuningdek, ikki davlat o‘rtasidagi munosabatlar so‘nggi paytlarda yangi bosqichga ko‘tarilgani qayd etildi. Uchrashuvda siyosiy, iqtisodiy va madaniy sohalardagi hamkorlikni yanada kengaytirish uchun katta imkoniyatlar mavjudligi ta’kidlandi.
Bu kabi aloqalar O‘zbekiston va Gretsiya o‘rtasidagi do‘stona munosabatlarni mustahkamlashga xizmat qilishi aytib o‘tildi.
