O‘zbekiston tashqi savdo hajmi 66,5 milliard dollarga yetdi
O‘zbekiston tashqi savdo aloqalarini kengaytirishda davom etmoqda. Bu haqda Zamin.uz xabar berdi.
Milliy statistika qo‘mitasi bergan ma’lumotlarga ko‘ra, 2025 yilning yanvar-oktyabr oylarida mamlakatimiz 210 ta davlat bilan savdo munosabatlarini amalga oshirgan. Ushbu davrda tashqi savdo hajmi 66,5 milliard AQSh dollariga yetdi.
Bu ko‘rsatkich o‘tgan yilga nisbatan 21,5 foizga yuqori. Eksport hajmi 29 milliard dollarni tashkil etib, 27,8 foizga oshgan.
Shu bilan birga, import hajmi 37,5 milliard dollar bo‘lib, 16,9 foizga o‘sish kuzatilgan. O‘zbekistonning asosiy savdo hamkorlari Xitoy va Rossiya hisoblanadi.
Xitoy bilan savdo hajmi umumiy ko‘rsatkichning 19,7 foizini, Rossiya bilan esa 15,9 foizini tashkil qilmoqda. Bundan tashqari, mamlakat dunyoning boshqa yirik iqtisodiyotlari va ko‘plab bozorlar bilan hamkorlikni mustahkamlashda davom etmoqda.
Avvalroq, Kursiv nashri O‘zbekiston va Xitoy o‘rtasidagi savdo aylanmasi 2024 yilda 14 milliard dollarga yetgani haqida xabar bergandi.
