Kontrakt to‘lov tartibi o‘zgardi: yangi muddatlar belgilandi

Adliya vazirligi tomonidan O‘zbekistonda oliy ta’lim muassasalarida kontrakt asosida o‘qish uchun to‘lov tartibi yangilandi. Bu haqda Zamin.uz xabar berdi.

Ushbu yangilikka oid hujjat vazirlik tomonidan ro‘yxatdan o‘tkazilib, ayrim bandlari Telegram sahifasida e’lon qilindi. Yangi tartibga ko‘ra, birinchi kurs talabalari kontrakt to‘lovining kamida 25 foizini sentyabr o‘rtasigacha to‘lashi lozim.

Yuqori kurs talabalari esa ushbu to‘lovni oktyabr boshigacha amalga oshirishi kerak. Shuningdek, yanvar oyiga qadar kontrakt summasining 50 foizi, 1 martgacha 75 foizi to‘lanishi, to‘liq to‘lov esa 1 maygacha amalga oshirilishi belgilangan.

Davlat komissiyasi mazkur muddatlarni uzaytirish huquqiga ega. Kontrakt mablag‘lari yosh o‘qituvchilar va ilmiy xodimlarning malakasini oshirishga yo‘naltiriladi.

Bundan tashqari, ehtiyojmand talabalarga oliy ta’lim muassasalari tomonidan moliyaviy yordam ko‘rsatilishi mumkin. Ushbu yordam bir talaba uchun yiliga oltitagacha eng kam ish haqini tashkil etadi.

Bu tartib talabalarning ta’lim olish imkoniyatlarini kengaytirishga qaratilgan.