Toshkent shahrida Prezident Olimpiadasi o‘tkazilishi munosabati bilan ayrim ko‘chalarda harakat cheklanishi haqida Mirzo Ulug‘bek tumani hokimligi ma’lum qildi. Bu haqda Zamin.uz xabar berdi.
Xususan, Yangi O‘zbekiston va Milliy bog‘ ko‘chalari vaqtincha yopiladi. Bu cheklovlar 24-noyabrdan 4-dekabrga qadar amal qiladi.
Haydovchilar uchun Yangi O‘zbekiston ko‘chasidan Yangi O‘zbekiston bog‘i atrofidagi yangi mehmonxonalar tomon harakatlanish to‘liq to‘xtatiladi. Shu bilan birga, Milliy bog‘ ko‘chasidan yangi mehmonxonalar tomon yo‘l ham yopiq bo‘ladi.
Ushbu hududlarga faqat maxsus transport vositalarining kirishiga ruxsat beriladi. Mazkur vaqtinchalik cheklovlar Olimpiada tadbirlarini samarali tashkil etish va xavfsizlikni ta’minlash maqsadida joriy etilgan.
Shu sababli haydovchilardan belgilangan tartiblarga rioya qilish so‘raladi. Manba: Zamin.uz
