Toshkent havosini yaxshilash bo‘yicha choralar belgilandi

O‘zbekiston Prezidenti Administratsiyasi rahbari Saida Mirziyoyeva Toshkent shahridagi ekologik vaziyat yuzasidan o‘tkazilgan yig‘ilishda ekologik nazoratni kuchaytirish bo‘yicha qator takliflarni ilgari surdi. Bu haqda Zamin.uz xabar berdi.

Bu haqda davlat rahbari matbuot xizmati xabar berdi. Yig‘ilishda mamlakatda qurilish ishlari va daraxt ekish talablarini kuchaytirish masalalari muhokama qilindi.

Shuningdek, Toshkentda havo sifatini monitoring qilish tizimini yaratish rejalashtirilgani ma’lum qilindi. Ushbu choralar davlat rahbari Shavkat Mirziyoyev tomonidan ko‘rib chiqiladigan farmon loyihasining asosiga kiritiladi.

Yig‘ilish davomida poytaxt havosining ifloslanishiga sabab bo‘layotgan omillar va aholi salomatligiga salbiy ta’sirni kamaytirish choralari ko‘rib chiqildi. Saida Mirziyoyeva vaziyatning takrorlanishining oldini olish uchun zudlik bilan amalga oshirilishi zarur bo‘lgan tizimli yechimlarni taklif etdi.

Unga ko‘ra, inson salomatligi davlat va biznes uchun birdek ustuvor masala bo‘lishi kerakligi ta’kidlandi. Iqlimshunos Erkin Abdullaxatovning ma’lumotiga ko‘ra, 27-noyabrdan boshlab havo oqimlarining o‘zgarishi tufayli mamlakat havosi yaxshilanishi kutilmoqda.

Biroq, 25-noyabr kuni ertalab soat 08:52 holatiga ko‘ra, Toshkent havosi zararli darajada baholangan. Havo ifloslanishining asosiy sababi RM2,5 zarralari ekanligi qayd etilgan.