Wildberries O‘zbekistonda WB Taxi xizmatini sinovdan o‘tkazadi
Rossiyaning Wildberries savdo platformasi O‘zbekistonda WB Taxi xizmatini ishga tushirishni rejalashtirmoqda. Bu haqda Zamin.uz xabar berdi.
Bu xizmat hozircha texnik sinov tariqasida amalga oshiriladi. Bu haqida Kursiv Uzbekistan nashri xabar berdi.
Kompaniya vakillarining ma’lum qilishicha, dastlabki bosqichda xizmat "yopiq klub" shaklida faoliyat yuritadi. Bu format xizmatni sinchkovlik bilan boshqarish va yo‘lovchilar uchun qulayliklarni ta’minlash imkonini beradi.
Hozircha xizmatni platforma xodimlari va hamkorlari foydalanib sinovdan o‘tkazadi. Shu bilan birga, kelajakda yo‘lovchilar uchun qulay narxlar, tez yetib keluvchi avtomobillar va "arbuz" nomli onlayn-valyutada 50 foiz keshbek taklif qilinadi.
WB Taxi rahbari Anatoliy Smorgonskiyning so‘zlariga ko‘ra, "yopiq klub" formati tizimni bosqichma-bosqich rivojlantirish va barcha jarayonlarni sinchkovlik bilan kuzatish imkonini beradi. Klub a’zolarining fikrlari xizmatni yaxshilash va kengaytirishga yordam beradi.
Shuningdek, kompaniya haydovchilar uchun ham qulay sharoitlar yaratishni rejalashtirgan. Ular uchun past komissiya va xizmat shartlari bajarilgan taqdirda smena uchun kafolatlangan daromad taqdim etiladi.
Kelgusida WB Taxi xizmatidan barcha foydalanuvchilar foydalanishi uchun ish hududlarini kengaytirish ko‘zda tutilgan. Eslatib o‘tamiz, Wildberries O‘zbekistonda WB Taxi kompaniyasini yoz mavsumida ro‘yxatdan o‘tkazgan edi.
Shunga o‘xshash xizmat hozirda Belarusda ham sinovdan o‘tkazilmoqda.
