O‘zbekiston va Somali o‘rtasida diplomatik aloqalar boshlandi
O‘zbekiston tashqi ishlar vaziri Baxtiyor Saidov Somali Respublikasining birinchi elchisi Ali Muhammaddan ishonch yorliqlarini qabul qildi. Bu haqda Zamin.uz xabar berdi.
Bu haqda vazir o‘zining Telegram-kanalida ma’lumot berdi. Baxtiyor Saidovning so‘zlariga ko‘ra, tomonlar O‘zbekiston va Somali o‘rtasidagi o‘zaro manfaatli hamkorlikni rivojlantirishga sodiqliklarini bildirgan.
Somali Respublikasi O‘zbekiston mustaqilligini 2004-yil 17-fevralda rasman tan olgan. Mogadishu va Toshkent o‘rtasida diplomatik aloqalar esa 2023-yil fevral oyida yo‘lga qo‘yilgan.
Ushbu kelishuv Nyu-York shahrida ikki davlat vakillari tomonidan deklaratsiyani imzolash orqali amalga oshirilgan. Somali aholisi 2025-yilga kelib 19,2 million kishiga yetishi prognoz qilinmoqda.
Mamlakatda jon boshiga to‘g‘ri keladigan yalpi ichki mahsulot miqdori 1,9 ming AQSh dollarini tashkil etishi kutilmoqda. Ma’lumki, 1990-yillarda Somali hududida bir qator harbiy mojarolar ro‘y bergan.
Shuningdek, 2009-yildan boshlab bugungi kungacha mamlakatda fuqarolar urushi davom etmoqda. Manba: One.uz
