O‘zbekistonda raqamli texnologiyalar markazi tashkil etildi
O‘zbekiston Prezidenti Shavkat Mirziyoyev "Enterprise Uzbekistan" nomli raqamli texnologiyalar markazini tashkil etish to‘g‘risida farmon imzoladi. Bu haqda Zamin.uz xabar berdi.
Bu haqda Adliya vazirligi ma’lum qildi. Mazkur markaz alohida hudud sifatida faoliyat olib boradi va uning ishlash tizimi ingliz huquqiy rejimiga asoslanadi.
Markazning asosiy vazifalari qatoriga sun’iy intellektni rivojlantirish, video o‘yinlar yaratish (GameDev), biznes jarayonlarni autsorsing qilish (BPO) hamda IT-konsalting xizmatlarini amalga oshirish kiradi. Yangi tashkilot mamlakatda raqamli yechimlar va innovatsiyalarni rivojlantirishga qaratilgan.
Shu bilan birga, markaz IT sohasida malakali kadrlar tayyorlashga ham alohida e’tibor qaratadi. Bu esa O‘zbekistonning raqamli iqtisodiyoti va texnologik salohiyatini oshirishga xizmat qiladi.
