O‘zbekistonda elektron sigaretlar savdosi taqiqlandi.

O‘zbekiston Prezidenti Shavkat Mirziyoyev elektron sigaretlar va ularga mo‘ljallangan suyuqliklarni sotishni taqiqlovchi qonunni imzoladi. Bu haqda Zamin.uz xabar berdi.

Bu haqda Adliya vazirligi matbuot xizmati xabar berdi. Yangi qonunga muvofiq, elektron sigaretlarni yirik miqyosda ishlab chiqarish, eksport qilish yoki import qilish taqiqlanadi.

Ushbu qoidani buzganlarga nisbatan moliyaviy va jinoiy choralar qo‘llaniladi. Jarima miqdori 500 bazaviy hisoblash miqdorigacha, ya’ni 206 million so‘mgacha yetishi mumkin.

Bundan tashqari, qoidabuzar uch yilgacha tuzatish ishlari yoki besh yilgacha ozodlikdan mahrum qilish jazosi bilan jazolanishi mumkin. Qonunda takroriy qoidabuzarlik uchun ham qattiq choralar nazarda tutilgan.

Ammo, agar aybdor o‘z ixtiyori bilan huquqni muhofaza qilish organlariga murojaat qilib, aybini tan olsa va taqiqlangan mahsulotlarni topshirsa, u jazodan ozod etiladi. Bu o‘z navbatida, qonunbuzarliklarni kamaytirishga va profilaktik choralarni kuchaytirishga qaratilgan.

Mazkur qonun jamiyatda sog‘lom turmush tarzini targ‘ib qilish va yoshlar o‘rtasida zararli odatlarning oldini olish maqsadida qabul qilingan.