29-noyabr: O‘zbekiston bo‘ylab havo iliq va tumanli
"O‘zgidromet" ma’lumotiga ko‘ra, 29-noyabr kuni mamlakat bo‘ylab ob-havo o‘zgaruvchan bo‘ladi, ammo yog‘ingarchilik kutilmaydi. Bu haqda Zamin.uz xabar berdi.
Ayrim hududlarda tuman tushishi mumkin. Toshkent shahrida havo quyoshli bo‘ladi, shamol sharqdan 3-8 m/s tezlikda esadi.
Harorat kechasi 0...+2 daraja, kunduzi esa +12...+14 daraja iliq bo‘lishi kutilmoqda. Qoraqalpog‘iston va Xorazm viloyatlarida shamol nisbatan kuchliroq, ya’ni 7-12 m/s tezlikda esadi.
Tungi harorat 0...-5 daraja sovuq, kunduzi esa +5...+10 daraja iliq bo‘ladi. Ushbu hududlarda tuman tushishi ehtimoli mavjud.
Buxoro va Navoiy viloyatlarida ham tuman kuzatilishi mumkin. Harorat kechasi -4...+1 daraja, kunduzi esa +10...+15 daraja atrofida bo‘ladi.
Toshkent, Samarqand, Sirdaryo va Jizzax viloyatlarida tunda harorat -3...+2 daraja sovuq bo‘lib, kunduzi +10...+15 daraja iliq bo‘lishi kutilmoqda. Qashqadaryo va Surxondaryo viloyatlarida kechasi harorat 0...+5 daraja iliq, ba’zi joylarda esa -2 darajagacha sovuq bo‘lishi mumkin.
Kunduzgi harorat +12...+17 daraja atrofida bo‘ladi. Andijon, Namangan va Farg‘ona viloyatlarida tumanli ob-havo kuzatiladi.
Shamol tezligi 5-10 m/s bo‘lib, tungi harorat -3...+2 daraja, kunduzi esa +10...+15 daraja iliq bo‘lishi kutilmoqda. Tog‘li hududlarda havo ochiq va yog‘ingarchiliksiz bo‘ladi.
Tunda harorat -2...+3 daraja, kunduzi esa +7...+12 daraja iliq bo‘lishi taxmin qilinmoqda. Manba: O‘zgidromet.
