1-dekabrdan davlat xizmatlari yanada qulaylashadi
1-dekabrdan boshlab mamlakatimizda bir qator muhim o‘zgarishlar amalga oshirilishi kutilmoqda. Bu haqda Zamin.uz xabar berdi.
Jumladan, FHDYO organlari endilikda nikohlanayotgan shaxslarning tibbiy ko‘rik natijalarini onlayn tarzda qabul qiladi. Bu esa fuqarolarni qog‘oz hujjatlar olib yurish zaruratidan ozod etadi va jarayonni ancha qulaylashtiradi.
Shu bilan birga, onlayn sismologik platforma ishga tushirilishi rejalashtirilgan. Ushbu tizim orqali zilzila xavfi monitoringi, yer osti konstruksiyalari va qurilish maydonlaridagi xavfsizlik ko‘rsatkichlari yagona tizimda nazorat qilinadi.
Bu nafaqat xavfsizlikni oshiradi, balki muhim ma’lumotlarga tezkor kirish imkoniyatini ham yaratadi. Mazkur o‘zgarishlar davlat xizmatlarini soddalashtirish va fuqarolarga yanada qulaylik yaratishga qaratilgan.
Kelgusida barcha davlat xizmatlari, jumladan, “Raqamli hukumat” platformasi, to‘liq onlayn rejimda faoliyat ko‘rsatishi mo‘ljallangan. Bu esa fuqarolar uchun vaqtni tejalishi va xizmatlarning sifatli amalga oshirilishini ta’minlaydi.
