O‘zbekiston Markaziy banki 2030 yilgacha moliyaviy texnologiyalar (fintex) sohasini rivojlantirish bo‘yicha strategiya ishlab chiqishni rejalashtirmoqda. Bu haqda Zamin.uz xabar berdi.
Ushbu jarayon 2026 yil aprel oyining boshigacha xorijiy ekspertlar ishtirokida amalga oshirilishi belgilangan. Bu haqda davlat rahbari farmonida qayd etilgan.
Shuningdek, Markaziy bank fintex sohasini rivojlantirish uchun tajribaga ega bo‘lgan xorijiy venchur fond boshqaruvchilarini jalb qilishni rejalashtirgan. Kelgusi yillarda fintex rivoji uchun maxsus komissiya tashkil etilishi va 2025-2026 yillarga mo‘ljallangan qo‘llab-quvvatlash dasturi tasdiqlanishi kutilmoqda.
2026 yildan boshlab respublikada tokenlardan to‘lov vositasi sifatida foydalanish imkonini beruvchi maxsus tartib joriy etiladi. Shuningdek, tarqatilgan reestr texnologiyasiga asoslangan to‘lov tizimi sinovdan o‘tkazilishi rejalashtirilgan.
Ushbu tizim ma’lumotlarni bir nechta kompyuterda saqlab, ularni o‘zaro sinxronlashtirish orqali xavfsizlik va ishonchlilikni ta’minlaydi. Manba: Zamin.uz
