O‘zbekiston Respublikasi Gidrometeorologiya xizmati ("O‘zgidromet")ning ma’lumotlariga ko‘ra, 1–4 dekabr kunlari mamlakat hududida ob-havo asosan quruq va o‘zgaruvchan bo‘lishi kutilmoqda. Bu haqda Zamin.uz xabar berdi.
Ayrim hududlarda yomg‘ir yog‘ishi ehtimoli mavjud. Qoraqalpog‘iston va Xorazmda sharqdan g‘arbga esadigan shamol tezligi 7–12 metr/sekundni tashkil etadi.
Kechasi harorat 0...-5 daraja sovuq, kunduzi esa +7...+12 daraja iliq bo‘ladi. Buxoro va Navoiy viloyatlarida yog‘ingarchilik kuzatilmaydi, tunlari harorat -2...+5 daraja, kunduzi +10...+15 daraja bo‘lishi kutilmoqda.
Toshkent, Samarqand, Sirdaryo va Jizzax viloyatlarida 1–3 dekabr kunlari quruq ob-havo hukm suradi, 4 dekabrda esa ayrim joylarda yomg‘ir yog‘ishi mumkin. Shuningdek, tuman tushishi ehtimoli bor.
Kunduzgi harorat +10...+15 daraja, kechasi -2...+3 daraja atrofida bo‘ladi. Qashqadaryo va Surxondaryo viloyatlarida asosan quruq ob-havo kuzatiladi.
Faqat 4 dekabr kuni Qashqadaryoda kam miqdorda yomg‘ir yog‘ishi mumkin. Harorat kunduzi +12...+17 daraja, tunda 0...+5 daraja, ba’zi joylarda esa -2 darajagacha tushadi.
Andijon, Namangan va Farg‘ona viloyatlarida tumanli ob-havo saqlanadi, yog‘ingarchilik kutilmaydi. Tunlari harorat -2...+3 daraja, kunduzi esa +8...+13 daraja bo‘lishi taxmin qilinmoqda.
Tog‘li hududlarda 1–3 dekabr kunlari yog‘ingarchilik kuzatilmaydi, ammo 4 dekabrda ayrim joylarda yomg‘ir yoki qor yog‘ishi ehtimoli bor. Harorat kechasi -2...+3 daraja, kunduzi +5...+10 daraja atrofida bo‘ladi.
Ma’lumot manbasi: "O‘zgidromet".
