Dekabr boshida ob-havo iliq va barqaror bo‘ladi
Qishning ilk haftasida O‘zbekiston bo‘ylab ob-havo o‘zgaruvchan bo‘lishi kutilmoqda. Bu haqda Zamin.uz xabar berdi.
“O‘zgidromet” ma’lumotlariga ko‘ra, shamol yo‘nalishi va haroratda biroz o‘zgarishlar kuzatiladi, ammo keskin ob-havo hodisalari sodir bo‘lmaydi. Qoraqalpog‘iston va Xorazm viloyatlarida osmon asosan ochiq bo‘ladi, yog‘ingarchilik kutilmaydi.
Shamolning tezligi 7–12 m/s atrofida bo‘lib, harorat kechasi 0–5 daraja sovuq, kunduzi esa 7–12 daraja iliq bo‘lishi mumkin. 4-dekabrga kelib, kechasi havo yana sovib, 0–5 daraja sovuq bo‘lishi ehtimoli bor.
Buxoro va Navoiy viloyatlarida ham havo asosan quruq bo‘lib, yog‘ingarchilik kuzatilmaydi. Shamol g‘arbdan esib, kechasi harorat 2 daraja sovuqdan 3 daraja iliqqacha, kunduzi esa 10–15 daraja iliq bo‘ladi.
4-dekabrda kunduzgi harorat bir oz pasayib, 8–13 daraja atrofida bo‘lishi kutilmoqda. Toshkent, Samarqand, Sirdaryo va Jizzax viloyatlarida dekabr oyining birinchi kunlari ob-havo yaxshi bo‘lishi aytilmoqda.
1–3-dekabr kunlari yog‘ingarchilik kuzatilmaydi, faqat 4-dekabrda ayrim joylarda yomg‘ir yog‘ishi mumkin. Kechasi harorat 2 daraja sovuqdan 3 daraja iliqqacha, kunduzi esa 10–15 daraja iliq bo‘ladi.
Qashqadaryo va Surxondaryo viloyatlarida havo iliq va barqaror bo‘lishi kutilmoqda. Kechasi harorat 0–5 daraja iliq, ba’zan 2 daraja sovuqqacha tushishi mumkin.
Kunduzi esa 12–17 daraja iliq bo‘lib, 4-dekabrga kelib harorat 10–15 darajaga pasayishi ehtimoli bor. Andijon, Namangan va Farg‘ona viloyatlarida ob-havo sokin va o‘zgaruvchan bo‘ladi.
Yog‘ingarchilik kutilmaydi, biroq tuman tushishi ehtimoli bor. Shamolning tezligi 5–10 m/s atrofida bo‘lib, kechasi 2 daraja sovuqdan 3 daraja iliqqacha, kunduzi esa 8–13 daraja iliq harorat saqlanib qoladi.
Tog‘li hududlarda esa 1–3-dekabr kunlari havo asosan quruq bo‘ladi. Faqat 4-dekabrda ayrim joylarda yomg‘ir yoki qor yog‘ishi mumkin.
Shamolning tezligi 7–12 m/s bo‘lsa, kechasi harorat 2 daraja sovuqdan 3 daraja iliqqacha, kunduzi esa 5–10 daraja iliq bo‘lishi kutilmoqda. Manba: O‘zgidromet ma’lumotlari.
