Islom sivilizatsiyasi markazi Prix Avicenne mukofotini oldi
O‘zbekiston Prezidenti Shavkat Mirziyoyev tashabbusi bilan tashkil etilgan Islom sivilizatsiyasi markazi Yevropaning obro‘li Prix Avicenne 2025 mukofotiga sazovor bo‘ldi. Bu haqda Zamin.uz xabar berdi.
Ushbu xalqaro mukofot Markazning ilmiy va ta’limiy faoliyatlari, buyuk alloma Ibn Sino merosini chuqur o‘rganishdagi zamonaviy yondashuvi hamda Markaziy Osiyo ilmiy-madaniy merosini dunyo miqyosida targ‘ib qilishdagi xizmatlari uchun taqdim etilgan. Bu yutuq O‘zbekistonning ilm-fan, madaniyat va ma’rifat sohasidagi global obro‘sining ortib borayotganidan dalolat beradi.
Islom sivilizatsiyasi markazi o‘z faoliyati orqali nafaqat milliy, balki xalqaro miqyosda ham katta e’tirofga erishmoqda. Mazkur mukofot Markazning jahon ilm-fan hamjamiyatida tutgan o‘rnini mustahkamlaydi va O‘zbekistonning boy madaniy merosini yanada kengroq targ‘ib qilishga xizmat qiladi.
Manba: one.uz
