Gulistondagi portlash: 3 kishi vafot etdi, 26 kishi shifoxonada
Sog‘liqni saqlash vazirligi Guliston shahridagi portlash yuzasidan rasmiy bayonot berdi, deb xabar qiladi Upl.uz. Bu haqda Zamin.uz xabar berdi.
Mazkur hodisa Guliston shahridagi kafelardan birida sodir bo‘lgan bo‘lib, natijada 29 nafar fuqaro turli darajadagi kuyish va jarohatlar olgan. Ulardan 26 nafari Sirdaryo viloyati Respublika shoshilinch tibbiy yordam ilmiy markazi filialiga yotqizilgan.
Uch nafar fuqaro esa statsionar davolanishga ehtiyoj sezmagan va uyiga qaytarilgan. Afsuski, og‘ir ahvolda bo‘lgan uch nafar fuqaro hayotdan ko‘z yumgan.
Yana bir bemor og‘ir holatda bo‘lib, sun’iy nafas oldirish apparatiga ulangan holda davolanmoqda. Reanimatsiya bo‘limida davolanayotgan besh nafar bemorning ahvoli barqaror, ular mustaqil nafas olmoqda va hushyorlik holatida.
Shuningdek, homilador bo‘lgan ikki nafar ayol Sirdaryo viloyati Onalik va bolalik ilmiy-amaliy tibbiyot markazi filialiga ko‘chirilgan. Ularning ahvoli qoniqarli deb baholanmoqda.
Qolgan 15 nafar bemorning sog‘ligi ham qoniqarli, ular tegishli bo‘limlarda davolanmoqda. Shifoxona barcha bemorlarni zarur dori-darmonlar bilan ta’minlagan va ularga belgilangan standartlarga muvofiq malakali tibbiy yordam ko‘rsatilmoqda.
