Qimor o‘yinlarini targ‘ib qilgan 70 sayt bloklandi

O‘zbekiston Raqobat qo‘mitasi tomonidan qimor o‘yinlarini targ‘ib qiluvchi internet saytlar faoliyati yuzasidan o‘rganish o‘tkazildi. Bu haqda Zamin.uz xabar berdi.

Monitoring davomida jami 86 ta internet manbasi tekshirildi. Natijada, ularning ko‘pchiligi amaldagi qonunchilik talablariga zid ravishda faoliyat yuritayotgani aniqlangan.

Tahlil natijalari asosida qonunga zid faoliyat olib borgan 70 ga yaqin sayt bloklandi. Ushbu resurslar foydalanuvchilarga noqonuniy qimor o‘yinlari, pul tikish va tavakkalchilikka asoslangan xizmatlarni taklif qilgan hamda ularni reklama qilgan.

Ma’lumki, "Reklama to‘g‘risida"gi Qonunning 46-moddasiga muvofiq, O‘zbekistonda qimor o‘yinlari va tavakkalchilikka asoslangan boshqa o‘yinlarning reklamasiga qat’iy taqiq qo‘yilgan. Raqobat qo‘mitasi tomonidan bu kabi qonunbuzarlik holatlariga qarshi tegishli choralar ko‘rish ishlari davom ettirilmoqda.

Ma’lumot one.uz saytida e’lon qilingan.