O‘zgidromet xizmati 18-dekabr kuni uchun ob-havo prognozini e’lon qildi. Bu haqda Zamin.uz xabar berdi.
Ma’lumotlarga ko‘ra, mamlakatning aksariyat hududlarida nam va salqin ob-havo kuzatiladi, ayrim joylarda yomg‘ir qorga aylanishi mumkin. Toshkent shahrida osmon bulutli bo‘lib, kun davomida avval yomg‘ir, keyin esa qor yog‘ishi kutilmoqda.
Shamol g‘arbdan esib, sekundiga 3–8 metr tezlikda bo‘ladi. Harorat tun va kunduzi 0–2 daraja iliq atrofida bo‘ladi.
Qoraqalpog‘iston va Xorazmda ob-havo o‘zgaruvchan, yog‘ingarchilik kutilmaydi. Biroq ayrim hududlarda tuman tushishi mumkin.
Shamol g‘arbdan sharqqa yo‘nalishini o‘zgartirib, 7–12 m/s tezlikda esadi. Harorat kunduzi 5–10 daraja sovuq, tunda esa −2 dan +3 darajagacha bo‘ladi.
Buxoro va Navoiy viloyatlarida kechasi va ertalab yomg‘ir-qor aralash yog‘ingarchilik ehtimoli mavjud. Tuman kuzatilishi ham ehtimoldan holi emas.
Harorat kechasi 0–5 daraja sovuq, kunduzi esa 0–5 daraja iliq bo‘lishi mumkin. Toshkent, Sirdaryo, Samarqand va Jizzax viloyatlarida yomg‘ir yog‘ib, ayrim hududlarda qorga aylanishi kutilmoqda.
Tuman tushishi xavfi mavjud. Harorat tunu kun davomida 0–5 daraja atrofida bo‘ladi.
Qashqadaryo va Surxondaryo viloyatlarida yog‘ingarchilik yomg‘ir va ayrim joylarda qor ko‘rinishida bo‘lishi mumkin. Shamol 7–12 m/s tezlikda esadi, ba’zi joylarda 18 m/s gacha kuchayishi ehtimoli bor.
Harorat 0–7 daraja iliq bo‘ladi. Andijon, Namangan va Farg‘ona viloyatlarida yomg‘ir yog‘ib, ba’zi hududlarda tuman kuzatilishi mumkin.
Harorat kechasi 0–5 daraja, kunduzi esa 2–7 daraja iliq bo‘lishi kutilmoqda. Tog‘li hududlarda esa kuchli qor yog‘ishi ehtimoli bor.
Tuman tushishi va qor ko‘chishi xavfi yuqori. Harorat 0–5 daraja oralig‘ida bo‘lishi mumkin.
Manba: O‘zgidromet.
