O‘zbekistonda dam olish kunlari sovuq va tumanli havo kutilmoqda
O‘zgidromet xizmati ma’lumotiga ko‘ra, 20-21 dekabr kunlari ob-havo respublika bo‘ylab barqaror bo‘lmaydi. Bu haqda Zamin.uz xabar berdi.
Ayrim hududlarda yog‘ingarchilik kuzatilishi mumkin. Yomg‘irning qorga aylanishi ehtimoli bor.
Mutaxassislar bu holatni mavsumiy havo o‘zgarishlari bilan bog‘lashmoqda. Shanba va yakshanba kunlari havo harorati kechalari 0 dan -5 darajagacha sovuq, kunduzi esa 0 dan +5 darajagacha iliq bo‘lishi kutilmoqda.
Shamol g‘arbdan esadi va o‘rtacha tezlikda bo‘ladi. Ayrim joylarda tuman tushishi mumkin.
Tog‘li hududlarda esa vaqti-vaqti bilan qor yog‘ishi va qor ko‘chishi xavfi mavjud. Toshkent shahrida shanba kuni qor yog‘ishi va tuman tushishi kutilmoqda.
Yakshanba kuni kechasi va ertalab yengil qor yog‘ishi mumkin, biroq kunduz paytida yog‘ingarchilik bo‘lmaydi. Havo harorati kunduz kuni +1 dan +3 darajagacha iliq bo‘ladi.
Sinoptiklarning ta’kidlashicha, kecha va kunduzgi harorat 2 daraja sovuqdan 3 daraja iliqqacha o‘zgarib turadi. Shu sababli, haydovchilar va sayohatchilarga xavfsizlik choralariga amal qilish tavsiya etiladi.
Manba: One.uz
