Ertaga ayrim hududlarda qor, yomg‘ir va tuman bo‘ladi
Ertaga mamlakatimiz bo‘ylab ob-havo o‘zgaruvchan bo‘lishi kutilmoqda. Bu haqda Zamin.uz xabar berdi.
"O‘zgidromet" xizmati 21-dekabr kuni uchun ob-havo ma’lumotlarini taqdim etdi. Unga ko‘ra, ayrim hududlarda qor, yomg‘ir va tuman kuzatilishi mumkin.
Toshkent shahrida kechasi va kunning birinchi yarmida yengil qor yog‘ishi va tuman tushishi ehtimoli bor. Shuningdek, ayrim yo‘llarda yaxmalak hosil bo‘lishi mumkin.
Shamolning yo‘nalishi o‘zgarib, shimoli-sharqdan 3–8 m/s tezlikda esadi. Harorat kechasi 0–2 daraja sovuq, kunduzi esa 0–2 daraja iliq bo‘lishi kutilmoqda.
Qoraqalpog‘iston va Xorazm viloyatlarida ham ba’zi joylarda biroz qor yog‘ishi va tuman tushishi mumkin. Yo‘llarda yaxmalak hosil bo‘lish ehtimoli bor.
Harorat kechasi 0–5 daraja sovuq bo‘lsa, kunduzi 2 daraja sovuqdan 3 daraja iliqqacha bo‘lishi aytilmoqda. Buxoro va Navoiy viloyatlarida havo o‘zgaruvchan bo‘lib, ayrim hududlarda qor yog‘ishi mumkin.
Tuman tushishi ehtimoli saqlanib qoladi. Kunduzi harorat 0–5 daraja iliq atrofida bo‘lishi kutilmoqda.
Sirdaryo, Toshkent, Samarqand va Jizzax viloyatlarida ham qor yog‘ishi va tuman tushishi ehtimoli bor. Qashqadaryo va Surxondaryo viloyatlarida yomg‘irning qorga aylanishi mumkinligi qayd etilgan.
Farg‘ona vodiysi viloyatlarida esa yomg‘ir va qor yog‘ishi, tuman va yaxmalak kuzatilishi mumkin. Tog‘li hududlarda qor yog‘ishi davom etib, ayrim joylarda qor ko‘chishi xavfi saqlanadi.
Manba: O‘zgidromet.
