Samarqand chaqaloqlar soni bo‘yicha yetakchi!
O‘zbekiston Respublikasi Milliy statistika qo‘mitasi tomonidan e’lon qilingan ma’lumotlarga ko‘ra, joriy yilning yanvar–sentyabr oylarida mamlakatda aholi sonining o‘sishi barqaror davom etmoqda. Bu haqda Zamin.uz xabar berdi.
Ushbu davrda eng ko‘p chaqaloq Samarqand viloyatida tug‘ilgan. Statistikaga ko‘ra, mazkur hududda 80 903 nafar chaqaloq dunyoga kelgan.
Bu ko‘rsatkich bo‘yicha Samarqand viloyati yetakchi o‘rinni egallagan. Ikkinchi o‘rinda Qashqadaryo viloyati joylashgan bo‘lib, bu yerda 75 116 nafar chaqaloq tug‘ilgan.
Uchinchi o‘rinni esa Farg‘ona viloyati egallagan, bu hududda 74 614 nafar yangi tug‘ilish qayd etilgan. Bundan tashqari, Surxondaryo viloyatida 61 128 ta, Andijon viloyatida 60 131 ta va Namangan viloyatida 57 881 ta chaqaloq dunyoga kelgani aniqlangan.
Shuningdek, Toshkent viloyatida 49 007 ta, Toshkent shahrida esa 47 703 ta tug‘ilish qayd etilgan. Nisbatan past ko‘rsatkichlar Xorazm viloyatida (33 011 ta) va Buxoro viloyatida (32 624 ta) kuzatilgan.
Qoraqalpog‘iston Respublikasida 29 523 ta, Jizzax viloyatida 28 484 ta, Navoiy viloyatida 18 594 ta va Sirdaryo viloyatida 15 879 ta chaqaloq tug‘ilgan. Mutaxassislarning fikriga ko‘ra, ushbu raqamlar O‘zbekistonda aholi sonining barqaror o‘sib borayotganidan dalolatdir.
Demografik o‘sish mamlakatning barcha hududlarida davom etayotgani kuzatilmoqda. Ma’lumot manbasi: Milliy statistika qo‘mitasi.
