2025 yilda O‘zbekistonda 664 ming chaqaloq tug‘ildi
Milliy statistika qo‘mitasi bergan ma’lumotlarga ko‘ra, 2025 yilning yanvar-sentyabr oylarida O‘zbekistonda jami 664,6 mingta yangi tug‘ilish qayd etilgan. Bu haqda Zamin.uz xabar berdi.
Hududlar bo‘yicha eng yuqori ko‘rsatkich Samarqand viloyatida kuzatilib, bu yerda 80 903 nafar chaqaloq dunyoga kelgan. Keyingi o‘rinlarni Qashqadaryo viloyati (75 116 ta) va Farg‘ona viloyati (74 614 ta) egallagan.
Shuningdek, Surxondaryo viloyatida 61 128 ta, Andijonda 60 131 ta, Namanganda esa 57 881 ta tug‘ilish qayd etilgan. Toshkent viloyatida bu ko‘rsatkich 49 007 tani tashkil qilgan bo‘lsa, Toshkent shahrida 47 703 ta chaqaloq tug‘ilgan.
Eng past ko‘rsatkichlar Navoiy viloyatida (18 594 ta) va Sirdaryo viloyatida (15 879 ta) kuzatilgan. Eslatib o‘tish joiz, avvalroq Qashqadaryo viloyati Qarshi shahrida bir ayol besh qizdan so‘ng to‘rt egizak qiz tug‘gani haqida xabar berilgan edi.
Ma’lumot manbasi: One.uz.
