Yangi yil uchun "Afrosiyob" qo‘shimcha reyslari yo‘lga qo‘yildi

Yangi yil bayramlari munosabati bilan "O‘zbekiston temir yo‘llari" AJ yuqori tezlikdagi "Afrosiyob" poyezdlarining qo‘shimcha reyslarini yo‘lga qo‘ymoqda. Bu haqda Zamin.uz xabar berdi.

Bu haqda kompaniya rasmiy sayti xabar berdi. "Samarqand – Toshkent" yo‘nalishidagi qo‘shimcha reyslar 26-dekabrdan 31-dekabrga qadar, shuningdek, 4-yanvar kuni amalga oshiriladi.

Samarqanddan №775 poyezd soat 10:55 da, Toshkentdan esa №776 poyezd soat 13:56 da jo‘naydi. "Buxoro – Toshkent" yo‘nalishida esa qo‘shimcha reyslar 30 va 31-dekabr kunlari tashkil etiladi.

Toshkentdan №778 poyezd soat 06:10 da, Buxorodan esa №777 poyezd soat 18:08 da jo‘naydi. Chiptalarni O‘zbekiston temir yo‘llarining rasmiy sayti, mobil ilova yoki kassalar orqali xarid qilish mumkin.

Mazkur qo‘shimcha reyslar bayram kunlari aholiga qulaylik yaratish va transport oqimini yengillashtirish maqsadida tashkil etilmoqda.