25-dekabr: O‘zbekistonda iliq va sokin ob-havo kutilmoqda

25-dekabr kuni uchun O‘zbekiston bo‘ylab ob-havo prognozi e’lon qilindi. Bu haqda Zamin.uz xabar berdi.

"O‘zgidromet" ma’lumotlariga ko‘ra, payshanba kuni mamlakatda nisbatan iliq va qishga xos yumshoq ob-havo kuzatiladi. Toshkent shahrida havo o‘zgaruvchan bo‘lib, yog‘ingarchilik kutilmaydi.

Shamol sharqdan sekundiga 3-8 metr tezlikda esadi. Harorat kechasi 0–2 daraja iliq, kunduzi esa 10–12 daraja iliq bo‘lishi kutilmoqda.

Qoraqalpog‘istonda ayrim joylarda yomg‘ir yoki qor yog‘ishi, shuningdek, tuman tushishi mumkin. Kechasi harorat 3 daraja sovuqdan 2 daraja iliqqacha, kunduzi esa 0–5 daraja iliq atrofida bo‘ladi.

Xorazm viloyatida yog‘ingarchilik kutilmaydi, kunduzi havo harorati 2–7 daraja iliq bo‘lib saqlanadi. Buxoro va Navoiy viloyatlarida ob-havo barqaror bo‘lib, ayrim hududlarda tuman tushishi ehtimoli bor.

Kunduzgi harorat 7–12 daraja iliqni tashkil etadi. Toshkent, Sirdaryo, Jizzax va Samarqand viloyatlarida kunduzi harorat 8–13 daraja iliq bo‘ladi.

Qashqadaryo va Surxondaryo viloyatlarida ham yog‘ingarchilik kutilmaydi, kunduzi harorat 8–13 daraja iliq bo‘lishi prognoz qilinmoqda. Andijon, Namangan va Farg‘ona viloyatlarida esa kunduzi harorat 3–8 daraja iliq atrofida bo‘lishi kutilmoqda.

Tog‘oldi va tog‘li hududlarda yog‘ingarchilik kuzatilmaydi, ammo ayrim joylarda shamol kuchayishi ehtimoli bor. Bu hududlarda kunduzi harorat 3–8 daraja iliq bo‘ladi.

Mutaxassislar havoning iliqlashishi natijasida atmosfera inversiyasi kuchayishi va PM2,5 hamda PM10 zarrachalarining pastki qatlamlarda to‘planishi mumkinligini qayd etishdi. Ushbu holat hafta oxirigacha davom etishi mumkin.

Ma’lumot manbasi: O‘zgidromet.