2026-yil – Mahallalarni rivojlantirish yili deb e’lon qilindi
O‘zbekiston Respublikasi Prezidenti Shavkat Mirziyoyev o‘zining parlament va xalqka qilgan murojaatida 2026-yilni "Mahallani rivojlantirish va jamiyatni yuksaltirish yili" deb e’lon qildi. Bu haqda Zamin.uz xabar berdi.
Ushbu yil davomida belgilangan vazifalarni amalga oshirish maqsadida maxsus davlat dasturi ishlab chiqiladi. Dastur doirasida 9 mingdan ortiq mahallalarni rivojlantirish bo‘yicha chora-tadbirlar rejalashtirilgan.
Bu mahallalarni totuvlik, adolat va tarbiya maskanlariga aylantirish ko‘zda tutilgan. Prezident o‘z nutqida mamlakat taraqqiyoti avvalo mahallalardan boshlanishini ta’kidladi.
Uning so‘zlariga ko‘ra, mahallalardagi yo‘llar, ichimlik suvi, elektr ta’minoti, transport tizimi, shuningdek, bolalar bog‘chalari, maktablar va oilaviy poliklinikalar holati orqali odamlar amalga oshirilayotgan islohotlarni baholaydi. Shu sababdan, mahallalar infratuzilmasini rivojlantirish davlat siyosatining asosiy yo‘nalishlaridan biri sifatida belgilandi.
Ushbu masalalarni hal qilish maqsadida kompleks dastur qabul qilinadi. Bu borada Samarqand viloyatining Urgut tumanida to‘plangan tajribadan foydalanish rejalashtirilgan.
Mahallalarni rivojlantirish orqali jamiyatning turmush darajasini yuksaltirishga erishish ko‘zda tutilmoqda. Manba: zamin.uz
