2026-yilga borib, O‘zbekistonda suvni tejash texnologiyalarini joriy etish uchun 3,3 trillion so‘m mablag‘ ajratilishi rejalashtirilmoqda. Bu haqda Zamin.uz xabar berdi.
Bu haqda Prezident Shavkat Mirziyoyev Oliy Majlisga qilgan murojaatida ma’lum qildi. Ushbu dastur doirasida umumiy uzunligi 1,3 ming kilometr bo‘lgan asosiy magistral kanallar beton bilan qoplanadi.
Ushbu chora-tadbirlar yiliga qo‘shimcha 500 million kubometr suvni tejash imkoniyatini beradi. Bundan tashqari, ochiq drenaj va kollektorlarni yopiq tizimga o‘tkazish, yangi kanallar qurish va mavjudlarini ta’mirlash ishlari amalga oshiriladi.
Toshkent shahrida esa alohida dastur doirasida 150 kilometr yopiq drenaj tizimi barpo etiladi, 197 kilometr kanal va kollektorlar ta’mirlanadi hamda 63 kilometr yangi kanallar qurilishi rejalashtirilgan. Ushbu ishlar poytaxtda salqin mikroiqlim yaratish va yashil hududlarni kengaytirishga xizmat qiladi.
Mazkur chora-tadbirlar suv resurslarini samarali boshqarish va ekologik muvozanatni yaxshilashga qaratilgan. Ma’lumot one.uz saytida e’lon qilingan.
