Yangi yil kechasi Toshkent metrosi uzluksiz ishlaydi
Yangi yil bayrami munosabati bilan Toshkent metropoliteni faoliyatida vaqtinchalik o‘zgarishlar amalga oshiriladi. Bu haqda Zamin.uz xabar berdi.
Bu haqda "Toshkent metropoliteni" davlat unitar korxonasi rasmiy ma’lumot berdi. Xususan, bayram kechasi fuqarolarning qulay va xavfsiz harakatlanishini ta’minlash maqsadida metro poyezdlari 31 dekabr kuni soat 05:00 dan 1 yanvar kuni soat 01:00 ga qadar uzluksiz xizmat ko‘rsatadi.
Ushbu chora-tadbirlar Yangi yilni quvonchli va erkin nishonlash imkonini beradi. Shuningdek, bayram munosabati bilan belgilangan qo‘shimcha dam olish kunlarida poyezdlar harakati quyidagicha tashkil etiladi: - 2025 yil 31 dekabr va 2026 yil 2 yanvar kunlari metro poyezdlari shanba kunlari uchun tasdiqlangan jadval asosida harakatlanadi.
- 2026 yil 1 yanvar kuni esa poyezdlar yakshanba kunlari jadvali bo‘yicha qatnaydi. 5 yanvar, dushanba kuni barcha uchun ish kuni hisoblanadi.
Shu sababli, metro harakati odatiy ish kunlari jadvali asosida tashkil etiladi. Yo‘lovchilardan bayram kunlarida belgilangan jadvalni inobatga olgan holda o‘z harakat rejasini oldindan tuzish so‘raladi.
Ma’lumot manbasi: one.uz.
