Yanvar oyi pensiya to‘lovlari 5 yanvardan boshlanadi
Pensiya jamg‘armasi yanvar oyi uchun pensiya to‘lovlari boshlanish sanasini e’lon qildi. Bu haqda Zamin.uz xabar berdi.
Ma’lum qilinishicha, yangi yil boshidagi dam olish kunlari sababli bank kartalari orqali pensiya oluvchi fuqarolarga to‘lovlar 5 yanvardan boshlab amalga oshiriladi. Bu qaror 31 dekabrdan 4 yanvargacha dam olish kunlari etib belgilanganini hisobga olgan holda qabul qilingan.
Shuningdek, “2026 yil uchun O‘zbekiston Respublikasi Davlat budjeti to‘g‘risida”gi Qonunga muvofiq Pensiya jamg‘armasining xarajatlari tasdiqlangan va to‘lovlar belgilangan tartibda amalga oshirilishi ta’minlanadi. Naqd pul shaklida pensiya oladigan fuqarolarga esa to‘lovlar Xalq bankining sayyor kassalari orqali 27 yanvargacha maxsus grafik asosida yetkazib beriladi.
Pensiya mablag‘lari mahalla fuqarolar yig‘inlari orqali yoki fuqarolarning yashash manziliga yetkazilishi nazarda tutilgan.
