Dunyo yetakchilari Mirziyoyevni Yangi yil bilan tabrikladi
2026 yilning kirib kelishi munosabati bilan O‘zbekiston prezidenti Shavkat Mirziyoyevga xorijiy davlatlar rahbarlari, hukumat va parlament vakillari, xalqaro va mintaqaviy tashkilotlar, shuningdek, yirik moliyaviy institutlar hamda diniy va jamoat arboblari tomonidan tabriklar yo‘llanmoqda. Bu haqda Zamin.uz xabar berdi.
Bu haqda podrobno.uz xabar berdi. Tabriklarda O‘zbekistonda amalga oshirilayotgan keng ko‘lamli islohotlar, xususan, “Yangi O‘zbekiston”ni barpo etish strategiyasi doirasidagi siyosiy o‘zgarishlar va ijtimoiy-iqtisodiy rivojlanishlar yuqori baholanmoqda.
Shuningdek, mamlakatning ochiq va pragmatik tashqi siyosati natijasida xalqaro maydondagi mavqei barqaror mustahkamlanayotgani ta’kidlangan. Prezident matbuot xizmati xabariga ko‘ra, xorijiy hamkorlar Shavkat Mirziyoyevga va O‘zbekiston xalqiga yangi yilda tinchlik, barqarorlik, farovonlik va yuksak yutuqlar tilagan.
Tabrik yo‘llaganlar qatorida Rossiya prezidenti Vladimir Putin, Xitoy raisi Si Szinpin, Qozog‘iston prezidenti Qosim-Jomart Toqayev, Qirg‘iziston prezidenti Sadir Japarov, Tojikiston prezidenti Emomali Rahmon, Turkmaniston prezidenti Serdar Berdimuhamedov, Ozarbayjon prezidenti Ilhom Aliyev, Belarus prezidenti Aleksandr Lukashenko va boshqa yetakchilar bor. Shuningdek, Yevropa davlatlari, Yaqin Sharq, Osiyo va Afrika mamlakatlari rahbarlari ham tabrik yo‘llagan.
Xalqaro tashkilotlar, jumladan, ShHT, MDH, Turk davlatlari tashkiloti, Jahon banki va FIFA kabi tashkilotlarning rahbarlari ham o‘z qutlovlarini yo‘llashgan. Shavkat Mirziyoyev nomiga tabriklar kelishda davom etmoqda.
