Sultoniya ko‘chasi ta’mirlash sababli 12-yanvargacha yopildi
Toshkent shahri Mirzo Ulug‘bek tumanida yo‘l ta’mirlash ishlari olib borilayotgani sababli, Sultoniya ko‘chasida transport harakati vaqtincha to‘xtatildi. Bu haqda Zamin.uz xabar berdi.
Ushbu ko‘cha 12-yanvargacha to‘liq yopiq bo‘lishi ma’lum qilindi. Bu haqda tuman hokimligi matbuot xizmati ma’lumot berdi.
Shuningdek, Shurtepa ko‘chasi, Shurtepa 1-tor ko‘chasi va Sultoniya 5-tor ko‘chasining ayrim qismlarida ham avtomobillar harakatiga qisman cheklovlar joriy etiladi. Haydovchilarga muqobil yo‘l sifatida Buyuk Ipak yo‘li ko‘chasidan foydalanish tavsiya etiladi.
Tuman hokimligi ta’mirlash ishlari yakunlangach, poytaxt aholisi uchun yangilangan yo‘l infratuzilmasi foydalanishga topshirilishini ma’lum qildi. Ushbu o‘zgarishlar aholining qulayligi va transport harakatining yaxshilanishiga xizmat qiladi.
Manba: kursiv.uz
