O‘zbekistonda sun’iy intellekt rivoji uchun yangi loyiha
O‘zbekiston Respublikasi Vazirlar Mahkamasining qaroriga binoan, mamlakatda sun’iy intellekt sohasini rivojlantirish maqsadida yangi loyiha yo‘lga qo‘yiladi. Bu haqda Zamin.uz xabar berdi.
Bu loyiha “Bir million dasturchi” tashabbusining mantiqiy davomidir va “Besh million sun’iy intellekt yetakchilari” nomi bilan amalga oshiriladi. Loyihaning asosiy yo‘nalishlaridan biri – sun’iy intellekt bo‘yicha milliy tanlov tashkil etishdir.
Ushbu tanlovda har yili sun’iy intellekt sohasida yuqori natijalarga erishgan ishtirokchilar qatnashadi va g‘oliblar quyidagicha mukofotlanadi: - 100 nafar o‘qituvchiga 1 000 AQSh dollari miqdorida pul mukofoti beriladi; - 10 nafar o‘qituvchi xorijiy davlatlarga sayohatga yo‘llanma oladi; - 500 nafar yosh ishtirokchiga noutbuk taqdim etiladi; - 500 nafar yoshlarga qimmatbaho esdalik sovg‘alari topshiriladi; - 3 ta oliy ta’lim muassasasiga pul mukofoti ajratiladi; - 2 ta umumta’lim maktabiga “Prezident sovg‘asi” sifatida elektromobillar beriladi. Shu bilan birga, “Muhammad al-Xorazmiy vorislari” loyihasi doirasida yoshlarga keng imkoniyatlar yaratiladi.
Jumladan, IT sohasida bepul ta’lim olish, startaplarni boshqarish bo‘yicha bilimlarni egallash, xorijiy tillarni o‘rganish va xalqaro IT-sertifikatlar uchun bepul tayyorlov kurslarida qatnashish imkoniyati taqdim etiladi. Manba: One.uz
