O‘zbekistonda xorijlik talabalar soni 54 foizga oshdi
2025 yilning yanvar-noyabr oylarida O‘zbekistonda ta’lim olayotgan xorijiy fuqarolar soni 37,2 ming nafarga yetdi. Bu haqda Zamin.uz xabar berdi.
Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning shu davriga nisbatan 54,3 foizga oshgan. Bu haqda "Kursiv.uz" xabar berdi.
Xorijlik talabalar orasida Hindiston fuqarolari yetakchilik qilmoqda. Ushbu davlatdan kelgan talabalar soni 16,3 ming kishini tashkil etgan.
Keyingi o‘rinlarda Turkmaniston (8,9 ming) va Tojikiston (2,7 ming) fuqarolari qayd etilgan. Bundan tashqari, Pokiston (1,7 ming) va Xitoy (1,4 ming) fuqarolari ham O‘zbekistonda ta’lim olish uchun faol kelgan davlatlar qatoridan joy olgan.
Shuningdek, Janubiy Koreya (870), Qirg‘iziston (823), Misr (737), Filippin (501) va AQSh (464) fuqarolari ham O‘zbekistonga o‘qish uchun ko‘p kelgan davlatlar ro‘yxatida keltirilgan. Yevropa davlatlari ichida eng ko‘p talaba yuborgan mamlakatlar qatorida Buyuk Britaniya (179), Rossiya (164) va Italiya (94) alohida tilga olingan.
Top-20 ro‘yxatidan Turkiya, Afg‘oniston, Iordaniya, Janubiy Afrika Respublikasi, Eron, Qozog‘iston va Bangladesh kabi davlatlar ham o‘rin olgan.
