1-sinflar uchun fevralda qo‘shimcha ta’til beriladi
O‘zbekistonda 1-sinf o‘quvchilari uchun fevral oyida qo‘shimcha bir haftalik ta’til berilishi rejalashtirilgan. Bu haqda Zamin.uz xabar berdi.
Bu Vazirlar Mahkamasining 2017 yil 15 martdagi 140-sonli qarorida belgilangan. Ushbu qarorga ko‘ra, 1-sinf o‘quvchilari uchun fevral oyida qo‘shimcha ta’til ajratilishi belgilangan bo‘lib, uning muddati har bir maktabning pedagogik kengashi tomonidan aniqlanadi.
Ya’ni, ta’tilning qaysi haftada bo‘lishi maktabning ichki qarorlariga ko‘ra belgilanadi. Shuningdek, maktablarda qishki ta’til o‘tgan yilning 28 dekabrida boshlangan edi.
2026 yilning 11 yanvari yakshanba kuniga to‘g‘ri kelgani sababli, uchinchi chorak darslari 2026 yil 12 yanvardan boshlanishi ma’lum qilingan. Bu ma’lumotlar Vazirlar Mahkamasi qarorlariga asosan amalga oshirilmoqda.
Manba: Zamin.uz
