9-yanvar: Havo iliq, ayrim joylarda sovuq bo‘ladi

9-yanvar kuni Toshkent shahrida yog‘ingarchilik kutilmaydi. Bu haqda Zamin.uz xabar berdi.

Osmon o‘zgaruvchan bulutli bo‘lishi mumkin. Kun davomida havo harorati 11 darajagacha ko‘tarilishi, kechasi esa harorat -2 daraja atrofida bo‘lishi prognoz qilinmoqda.

Qashqadaryo va Surxondaryo viloyatlarida kun davomida havo 15 darajagacha iliq bo‘lishi kutilmoqda. Markaziy hududlar, jumladan, Buxoro viloyatida harorat 13 darajagacha ko‘tarilishi mumkin.

Qoraqalpog‘iston Respublikasi va Xorazm viloyatida sovuq havo saqlanib turadi. Bu hududlarda kunduzi harorat 8 darajadan oshmasligi, kechasi esa -8 darajagacha tushishi ehtimoli bor.

Farg‘ona vodiysi hududlarida kunduzi havo harorati 10 darajagacha iliq bo‘lishi, tog‘li hududlarda esa 7 darajagacha iliqlik kuzatilishi kutilmoqda. Manba: Zamin.uz