Tojikistonda 5,3 balli zilzila, O‘zbekistonda sezildi
9-yanvar kuni soat 02:14 da Tojikiston hududida zilzila sodir bo‘ldi. Bu haqda Zamin.uz xabar berdi.
Respublika Seysmoprognostik monitoring markazi bergan ma’lumotga ko‘ra, zilzilaning magnitudasi 5,3 ballni tashkil etdi. Yer qimirlashining epitsentri Toshkentdan 477 kilometr janubi-sharqda, Tojikistonning Tog‘li Badaxshon hududida joylashgan.
Zilzila 139 kilometr chuqurlikda ro‘y bergan. Ma’lum qilinishicha, zilzila O‘zbekistonning ayrim hududlarida ham sezilgan.
Xususan, Farg‘ona viloyatida 2-3 ball, Andijon va Namangan viloyatlarida esa 2 ball atrofida sezilgan. Hozircha zilzila oqibatida talafotlar haqida ma’lumot berilmagan.
Manba: zamin.uz
