12 yoshli Sarvinoz shaxmatda tarix yaratdi
O‘zbekistonlik yosh shaxmatchi Sarvinoz Begmuratova 12 yoshida FIDE tomonidan ayollar o‘rtasidagi sport ustasi unvoniga ega bo‘ldi. Bu haqda Zamin.uz xabar berdi.
Bu muvaffaqiyat O‘zbekiston shaxmat tarixida muhim voqea sifatida qayd etildi. Sarvinoz ushbu yutuqqa erishgan O‘zbekiston tarixidagi eng yosh qiz shaxmatchi bo‘lib, ayni paytda 6-sinfda tahsil olmoqda.
U qisqa vaqt ichida xalqaro miqyosda tan olindi va istiqbolli shaxmatchilardan biri sifatida e’tirof etilmoqda. Sarvinozning bu yutug‘i uning tinimsiz mehnati, qat’iy intilishi va murabbiylarining mahoratli tayyorgarligi natijasi ekanligi aytib o‘tilmoqda.
Yosh shaxmatchining bu muvaffaqiyati O‘zbekistonda shaxmat sporti rivojiga va yoshlar sportiga berilayotgan e’tiborning yana bir yorqin isboti bo‘ldi. Sarvinoz Begmuratovaning yutuqlari nafaqat O‘zbekiston, balki xalqaro shaxmat maydonida ham e’tirof etilib, mamlakatimizni dunyoga tanitishda muhim ahamiyat kasb etmoqda.
Bu kabi natijalar yosh avlodni sportga qiziqtirish va ularni qo‘llab-quvvatlashning naqadar muhimligini yana bir bor isbotlaydi.
