Homiladorlik nafaqasi sug‘urta stajiga bog‘lanadi
O‘zbekistonda homiladorlik va tug‘ish nafaqasini hisoblash bo‘yicha yangi tartib joriy etildi. Bu haqda Zamin.uz xabar berdi.
Ushbu o‘zgarishlarga ko‘ra, endilikda nafaqa miqdori fuqaroning sug‘urta stajiga asoslanib belgilanadi va yangi koeffitsiyentlar qo‘llaniladi. Yangi tartib quyidagicha ishlaydi: agar sug‘urta staji 10 oydan 24 oygacha bo‘lsa, nafaqa miqdori o‘rtacha ish haqining 75 foizini tashkil etadi.
Agar staj 25 oydan 60 oygacha bo‘lsa, nafaqa 85 foiz miqdorida hisoblanadi. 61 oy va undan ortiq stajga ega bo‘lganlar uchun esa to‘liq, ya’ni 100 foiz miqdorida nafaqa to‘lanadi.
Mas’ul tashkilotlar tomonidan ta’kidlanishicha, ushbu o‘zgarishlar Mehnat kodeksiga zid emas. Chunki nafaqaning minimal miqdori o‘rtacha ish haqining kamida 75 foizi etib belgilangan.
Bu esa ishchilarning ijtimoiy himoyasini ta’minlashga qaratilgan. Manba: Zamin.uz
