2025 yilda 80 mingdan ortiq bemor O‘zbekistonga kelgan
2025 yilning yanvar-noyabr oylarida O‘zbekistonga davolanish maqsadida jami 80 653 nafar chet el fuqarosi tashrif buyurgan. Bu haqda Zamin.uz xabar berdi.
Bu haqda Milliy statistika qo‘mitasi ma’lumot berdi. Statistik ma’lumotlarga ko‘ra, ushbu davrda O‘zbekistonga kelgan xorijiy fuqarolar asosan qo‘shni davlatlardan bo‘lgan.
Xususan, eng ko‘p bemorlar Tojikistondan kelgan bo‘lib, ularning soni 55 851 nafarni tashkil etgan. Keyingi o‘rinda Qirg‘iziston fuqarolari bo‘lib, ular 14 296 nafarni tashkil qilgan.
Shuningdek, Qozog‘istondan 7 633 nafar, Rossiyadan 1 820 nafar va Afg‘onistondan 678 nafar fuqaro davolanish uchun O‘zbekistonga tashrif buyurgan. Bundan tashqari, Turkmaniston fuqarolari 219 nafar, Turkiyadan 47 nafar, AQSh va Xitoydan esa har biri 15 nafardan bemor kelgani qayd etilgan.
Ozarbayjondan 10 nafar, boshqa davlatlardan esa jami 69 nafar fuqaro O‘zbekistonda davolanishni tanlagan. Bu raqamlar O‘zbekistonning tibbiyot sohasidagi xizmatlari xalqaro miqyosda ham talabga ega ekanligini ko‘rsatadi.
Ma’lumot manbasi: Milliy statistika qo‘mitasi.
