Suyultirilgan gaz narxi oshishiga sabablar ma’lum qilindi
Raqobat qo‘mitasi O‘zbekiston ichki bozorida suyultirilgan gaz narxining oshishi bo‘yicha izoh berdi. Bu haqda Zamin.uz xabar berdi.
Idoraning ta’kidlashicha, narxlarning ko‘tarilishiga mahalliy gaz ulushining kamayishi va nisbatan qimmat bo‘lgan import gazga talabning oshishi sabab bo‘lgan. Bu haqda Kursiv.uz xabar berdi.
Qo‘mitaning ma’lumotiga ko‘ra, 2025 yilda birjada jami 358 ming tonna gaz sotilgan. Shundan 61 foizi yoki 219 ming tonnasi mahalliy gaz, 39 foizi esa import gazdan iborat bo‘lgan.
Yil boshida mahalliy gaz ulushi 80 foizni tashkil qilgan bo‘lsa, avgust oyidan boshlab pasayish kuzatilgan. 2025 yil dekabr oyiga kelib bu ko‘rsatkich 35 foizga tushgan, 2026 yil yanvar oyida esa bor-yo‘g‘i 10 foizni tashkil etgan.
Buning asosiy sababi sifatida mahalliy gaz asosan aholi va ijtimoiy obyektlar ehtiyojiga yo‘naltirilgani qayd etilgan. Mahalliy gaz narxi deyarli o‘zgarmagan, uning bir tonnasi 7 million so‘mdan oshmagan.
Bu xarid bo‘yicha cheklov (bir sessiyada 5 tonnadan ortiq sotib olinmasligi) tufayli ta’minlangan. Import gaz esa birjada 8 million so‘mgacha bo‘lgan narxda sotilgan.
Hozirda import gazga talab oshgani sababli, birjadagi o‘rtacha narx asosan import gaz yetkazib berish hisobidan shakllanmoqda. Bugungi kunda suyultirilgan gazning bir tonnasi o‘rtacha 9,5 million so‘mdan sotilmoqda.
Bu dekabr oyiga nisbatan qariyb 20 foizga yuqoridir. Raqobat qo‘mitasi ichki bozorda narxlarni barqarorlashtirish bo‘yicha choralar ko‘rilayotganini ma’lum qildi.
Shuningdek, yoqilg‘i quyish shoxobchalaridagi narxlar doimiy ravishda kuzatib borilayotgani ta’kidlandi. Mamlakatda avtomobillarning 11 foizi suyultirilgan gazdan foydalanadi, ammo bu yoqilg‘i turi umumiy avtomobil yoqilg‘isi hajmida atigi 5 foiz ulushga ega ekani qayd etildi.
