O‘zbekistonda alkogol iste’moli MDHda yettinchi o‘rinda
O‘zbekiston aholisi yiliga o‘rtacha bir kishi hisobida 2,1 litr sof alkogol iste’mol qiladi. Bu haqda Zamin.uz xabar berdi.
Ushbu ma’lumot World Population Review tomonidan 2026 yil uchun e’lon qilingan "Davlatlar bo‘yicha alkogol iste’moli" reytingida keltirilgan. Bu ko‘rsatkich O‘zbekistonni MDH davlatlari orasida 7-o‘ringa joylashtirgan.
Reytingda MDH davlatlari orasida Rossiya va Belarus eng yuqori iste’mol darajasi bilan ajralib turadi. Ularning ko‘rsatkichlari mos ravishda 16,8 litr va 11,6 litrni tashkil etadi.
Qozog‘iston 6,38 litr, Moldova 4,79 litr, Armaniston 4,28 litr, Ozarbayjon esa 2,49 litr bilan O‘zbekistondan oldinda joylashgan. Turkmaniston va Qirg‘iziston esa mos ravishda 1,26 litr va 0,72 litr bilan O‘zbekistondan keyin turadi.
Markaziy Osiyo davlatlarida alkogol iste’moli Yevropa mamlakatlariga nisbatan ancha past darajada. Masalan, Ruminiya dunyoda eng yuqori ko‘rsatkichga ega bo‘lib, bir kishi yiliga 17,1 litr alkogol iste’mol qiladi.
Gruziyada bu ko‘rsatkich 15,5 litr, Latviyada 14,7 litr, Moldovada 14,1 litr, Chexiyada esa 13,7 litrni tashkil etadi. Umuman olganda, O‘zbekistonda alkogol iste’moli boshqa MDH va Yevropa davlatlariga nisbatan ancha past.
Bu esa mamlakatda sog‘lom turmush tarzi saqlanishiga yordam berayotganining belgisidir. Ma’lumot manbasi: World Population Review.
