«Mening maktabim» loyihasida ovoz berish boshlandi
«Mening maktabim» loyihasining 2025/2026 o‘quv yiliga oid 2-bosqichi doirasida ovoz berish jarayoni boshlandi. Bu haqda Zamin.uz xabar berdi.
Bu haqda Iqtisodiyot va moliya vazirligi axborot xizmati xabar berdi. Ma’lum bo‘lishicha, ovoz berish 2026-yilning 11-yanvaridan 20-yanvar soat 23:59 gacha davom etadi.
Unda barcha o‘quvchilar ishtirok etishlari mumkin. Loyihalarni shakllantirish bosqichi 2025-yilning 15–24-dekabr kunlari o‘tkazilgan bo‘lib, ushbu bosqichda ishtirokchilar o‘z takliflarini ilgari surishgan.
Keyingi bosqichda, ya’ni 25-dekabrdan 10-yanvargacha eng yaxshi loyihalar saralab olingan va ovoz berish uchun tayyor holga keltirilgan. «Mening maktabim» loyihasida 5-sinfdan 11-sinfgacha bo‘lgan o‘quvchilar ishtirok etishlari mumkin.
Har bir o‘quvchi o‘z maktabi uchun loyiha taklif qilishi yoki mavjud loyihalarga ovoz berishi mumkin. Bu jarayon «Ochiq byudjet» portali orqali amalga oshiriladi.
O‘quvchilar loyihalarni ikki usulda taklif qilishlari mumkin: tayyor loyiha namunalaridan tanlash orqali yoki yangi loyiha shakllantirish orqali. Mazkur loyiha o‘quvchilarning ijodiy fikrlashini rivojlantirish va maktab hayotiga o‘z hissalarini qo‘shish imkonini beradi.
Bu orqali yosh avlodning tashabbuskorligi va faolligi qo‘llab-quvvatlanadi. Manba: One.uz
