16–17-yanvar kunlari sovuq kuchayishi kutilmoqda
O‘zbekiston Respublikasi Gidrometeorologiya xizmati markazi (O‘zgidromet) yaqin kunlarda havo harorati keskin o‘zgarishi haqida ogohlantirdi. Bu haqda Zamin.uz xabar berdi.
Ma’lumotlarga ko‘ra, 16–17-yanvar kunlari sovuq havo massalari mamlakat hududiga kirib keladi. Bu esa haroratning pasayishiga olib keladi.
Ayniqsa, kunduzgi va tungi soatlarda sovuq kuchayishi kutilmoqda. Shuningdek, antitsiklon ta’sirida ayrim hududlarda qisqa muddatli yog‘ingarchilik kuzatilishi mumkin.
Bu yomg‘ir yoki qor ko‘rinishida bo‘lishi ehtimoldan xoli emas. Yog‘ingarchilik va shamol natijasida havoda to‘planib qolgan mayda zarrachalar yuvilib, atmosfera havosi sifati ma’lum darajada yaxshilanishi prognoz qilinmoqda.
Mutaxassislar fuqarolarga ob-havo sharoitlarini hisobga olib, ehtiyotkor bo‘lishni tavsiya etmoqda. Ayniqsa, kuchli sovuq va yog‘ingarchilik davrida issiq kiyinish hamda transport vositalaridan foydalanishda ehtiyot choralarini ko‘rish lozim.
Manba: O‘zgidromet.
