Samarqandda vertolyot ekskursiyalari yo‘lga qo‘yiladi
Samarqand viloyatida 2024-yil mart oyidan boshlab vertolyot orqali havo ekskursiyalari tashkil etilishi rejalashtirilmoqda. Bu haqda Zamin.uz xabar berdi.
Bu haqda Zamon.uz xabar berdi. Ma’lumotlarga ko‘ra, Uzbekistan Helicopters kompaniyasi dastlab ikki vertolyot yordamida hududiy parvozlarni amalga oshiradi.
Havo ekskursiyalari Urgut, Kattaqo‘rg‘on, Nurobod, Ishtixon va Bulung‘ur tumanlari uzra yo‘lga qo‘yiladi. Viloyat turizm boshqarmasi vakili Muhammad Mardonovning ta’kidlashicha, ushbu yo‘nalishlar sayyohlarga hududning go‘zal tabiati va diqqatga sazovor joylarini yuqoridan kuzatish imkoniyatini beradi.
Ekskursiyalar davomida sayyohlar Kattaqo‘rg‘on suv ombori atrofidagi yangi dam olish maskanlari va al-Buxoriy memorial majmuasini tomosha qilishlari mumkin bo‘ladi. Havo ekskursiya xizmatlarining boshlang‘ich narxi 100 AQSH dollariga teng bo‘lishi kutilmoqda.
Shuningdek, kelgusida xizmatga talab oshishi bilan vertolyotlar soni ko‘paytirilishi va qo‘shimcha parvozlar yo‘lga qo‘yilishi rejalashtirilgan.
