AQShdan 44 nafar o‘zbekistonlik deportatsiya qilindi
AQSh hududida qonuniy asosda qolish huquqiga ega bo‘lmagan 44 nafar O‘zbekiston fuqarosi mamlakatdan deportatsiya qilindi. Bu haqda Zamin.uz xabar berdi.
Bu haqda O‘zbekiston Respublikasi Tashqi ishlar vazirligi matbuot xizmati ma’lum qildi. Qayd etilishicha, deportatsiya jarayoni doirasida maxsus charter reys tashkil etilgan bo‘lib, u 21-yanvar kuni amalga oshirilgan.
Ushbu reys orqali fuqarolar xavfsiz va tartibli ravishda Vatanga qaytarilgan. Parvoz AQShning tegishli davlat idoralari bilan yaqindan hamkorlikda tashkil etilgan.
Tashqi ishlar vazirligi mazkur tadbirni O‘zbekiston va AQSh o‘rtasidagi amaliy hamkorlikning yorqin namunasi sifatida baholadi. Shu bilan birga, xorijda bo‘lib turgan fuqarolarning huquq va manfaatlarini himoya qilish, ularning xavfsizligini ta’minlash hamda zarurat tug‘ilganda ularni Vatanga qaytarish bo‘yicha ishlar davom ettirilayotgani ta’kidlandi.
Manba: O‘zbekiston Respublikasi Tashqi ishlar vazirligi matbuot xizmati.
