O‘zbekiston “Tinchlik kengashi” asoschilaridan biri bo‘ldi
2023-yil 22-yanvar kuni O‘zbekiston Respublikasi Prezidenti Shavkat Mirziyoyev Shveysariyaning Davos shahrida “Tinchlik kengashi” nizomini imzolash marosimida ishtirok etdi. Bu haqda Zamin.uz xabar berdi.
Ushbu tadbir AQSH Prezidenti Donald Tramp raisligida o‘tkazilgan. Marosimda dunyoning turli mintaqalaridan Argentina, Armaniston, Bahrayn, Bolgariya, Indoneziya, Iordaniya, Marokash, Mo‘g‘uliston, Ozarboyjon, Paragvay, Pokiston, Qatar, Qozog‘iston, Saudiya Arabistoni, Turkiya, Vengriya kabi davlatlarning rahbarlari va yuqori lavozimli vakillari qatnashgan.
Prezident matbuot xizmatining ma’lumotiga ko‘ra, “Tinchlik kengashi”ning tashkil etilishi O‘zbekistonning tashqi siyosiy yo‘nalishlari bilan uyg‘un bo‘lib, tinchlikni mustahkamlash va ko‘p tomonlama hamkorlikni rivojlantirishga qaratilgan. Ushbu yangi tuzilma BMT Xavfsizlik Kengashi tomonidan qo‘llab-quvvatlangan hamda G‘azo sektoridagi mojarolarni hal qilishga qaratilgan kompleks reja doirasida shakllantirilmoqda.
Kengashning asosiy maqsadi mojaroning kuchayish xavfini kamaytirish, G‘azo sektorida iqtisodiy va ijtimoiy tiklanish uchun qulay sharoitlar yaratishdan iborat. Bu esa, o‘z navbatida, “Yangi G‘azo”ni barpo etish, uzoq istiqbolda esa Falastin davlatini tashkil etish imkoniyatini oshiradi.
Tadbir davomida O‘zbekiston “Tinchlik kengashi”ni ta’sis etgan davlat sifatida tan olindi. Kengash tarkibiga turli davlatlardan nufuzli yetakchilar kirgan.
O‘zbekiston ushbu kengash faoliyatida izchil ishtirok etishga va xalqaro hamkorlar bilan birgalikda kengash vakolatlarini amalga oshirishga tayyor ekanini bildirgan. Manba: zamin.uz.
