O‘zbekistonda kuchli shamol kutilmoqda, ogoh bo‘ling!
O‘zbekiston Respublikasi Gidrometeorologiya xizmati markazi (O‘zgidromet) 2-fevral kuni uchun tezkor ogohlantirish e’lon qildi. Bu haqda Zamin.uz xabar berdi.
Xabarga ko‘ra, mamlakatning ayrim hududlarida shamolning kuchayishi kutilmoqda. Jumladan, Buxoro, Navoiy, Toshkent, Samarqand, Jizzax, Sirdaryo va Qashqadaryo viloyatlarining ayrim hududlarida shamol tezligi 13–18 metr/sekundgacha yetishi mumkin.
Toshkent shahrida esa shamol kuchi 12–15 metr/sekund atrofida bo‘lishi taxmin qilinmoqda. Mutaxassislar kuchli shamol sababli xavfsizlik choralarini ko‘rishni tavsiya qilmoqda.
Xususan, ko‘chada yengil narsalarni, masalan, reklama bannerlari, qurilish materiallari yoki velosiped va samokatlarni mustahkam bog‘lash lozim. Shuningdek, baland daraxtlar va elektr simlari yaqinida ehtiyotkorlik bilan harakat qilish zarur.
O‘zgidrometning ogohlantirishiga ko‘ra, kuchli shamol xavfi tufayli fuqarolar o‘z xavfsizligiga e’tibor qaratishi, zarur choralarni ko‘rishi lozim. Shunday kunlarda ehtiyotsizlik ko‘ngilsiz holatlarga olib kelishi mumkin.
Shu sabab, barcha fuqarolarni ogohlikka chaqiramiz. Manba: zamin.uz
